Misooma Hunda-galeessa, Jireenya Itti-fufiinsa Qabu!
Baga Gara Weebsaayitii Ejensii Kaafamtoota Misoomaa Oromiyaatti Nagaan Dhuftan!
Eenyu Nuti?
Ejensiin Kaafamtoota Misoomaa Oromiyaa, Mootummaa Naannoo Oromiyaatiin kan hundaa’e yoo ta’u, kaayyoon isaa inni guddaan hawaasa sababa pirojektoota misooma adda addaatiin (bu’uuraalee misoomaa, invastimantii, babal’ina magaalaa) qabiyyee lafaa isaanii irraa kaafaman deebisanii dhaabuu fi haala dinagdee isaanii gahoomsuu dha.
Mul’ata Keenya
Bara 2018tti Naannoo Oromiyaatti hawaasni sababa misoomaan kaafamu misooma Naannoo isaa keessatti hirmaataa ta’uun jiruu fi jireenya amansiisaa fi itti fufiinsa qabu jiraatee arguu.
Ergama Keenya
Hawaasa sababa misoomaan kaafamuuf bu’uuraalee misoomaa fi galteewwan biroo akka guutamuuf taasisuudhaan carraa hojii bu’a-qabeessummaan isaa qorannoodhaan mirkanaa’e irratti bobbaasuun jiruu fi jireenya isaanii itti fufiinsaan jijjiiruu dha.
Duudhaalee Ijoo
Aantummaa Uummataa (Kabaja Lammii) Amanamummaa fi Haqummaa Iftoomina fi Itti-gaafatamummaa Hirmaachisummaa
Waa'ee keenya
Ergaa Gabaabaa
Ejensiin Keenya hawaasa sababa misoomaan kaafaman deebisee dhaabuun, bu’uuraalee misoomaa guutuufii fi carraa hojii qorannoon mirkanaa’e irratti hirmaachisuun jireenya fooyya’aa akka jiraatan hojjeta.
Xiyyeeffannoo Keenya:
Quubsuu fi Deebisanii Dhaabuu.
Bu’uuraalee Misoomaa Guutuu.
Carraa Hojii fi Galteewwan Misoomaa.
Ejensiin keenya pirojektoota gurguddoo armaan gadii irratti xiyyeeffatee hojjeta
Projektoota Keenya
Pirojektoota Quubsuu
Bakka jireenyaa ammayyaa fi mijataa ta'e ijaaruu.
Giddu-gala Carraa Hojii
Naannolee industirii fi daldalaa hawaasa kaafameef qophaa’an.
Misooma Lafa Qonnaa
Hawaasa qonnaan bulaa ta’eef lafa biraa mijeessuu fi galteewwan qonnaa dhiyeessuu.
Hordoffii fi Gamaggama
Pirojektoonni xumuraman jiruu fi jireenya hawaasaa irratti jijjiirama fiduu isaanii hordofuu.
Tajaajiloota Keenya
Ejensiin keenya tajaajiloota armaan gadii hawaasaaf ni kenna:
Qorannoo fi Karoora Deebisanii Dhaabuu
Hawaasni kaafamu tokko haala akkamiin deebi'ee dhaabbachuu akka danda'u qorannoo saayinsaawaa gaggeessuu.
Bu’uuraalee Misoomaa Guutu
Bakka hawaasni qubatuun duratti bishaan, ibsaa, karaa, mana barumsaa fi buufata fayyaa guutuu.
Carraa Hojii Uumuu
Hawaasa kaafameef carraa hojii (fkn. IMX, qonna magaalaa, daldala) bu'a-qabeessa ta'e irratti akka bobba'an deeggarsa gochuu.
Dhiyeessii Galteewwan Misoomaa
Meeshaalee hojii, lafa hojii, fi deeggarsa maallaqaa (compensation) haala seeraan qindeessuu.
Leenjii fi Humna Giddu-galeessummaa
Hawaasni hojii haaraa irratti bobba’uuf dandeettii akka argatu leenjii hirmaachisaa kennuu.
Odeeffannoowwan Haaraa
Oduu
Baga Nagaan Dhuftan!
Ejensiin Kaafamtoota Misoomaa Oromiyaa (EKMO) tajaajila iftoomina, haqummaa fi amanamummaa qabu hawaasaaf kennuuf hulaan isaa yeroo mara banamaa dha. Gaaffii, odeeffannoo dabalataa ykn tajaajila barbaaddaniif teessoo keenya armaan gadiin nu quunnamuu dandeessu.
